2000-03-14 新報 死八婆､姣婆稱呼甄妮 羅文﹕唔玩得唔好做呢行﹗

在甄妮演唱會的慶功宴上﹐羅文戴了一隻光芒閃爍的鑽戒出現﹐他承認有十卡﹐價值過百萬﹐是去年買嚟獎勵自己﹐去年係佢踏入樂壇廿五周年紀念。

這次他擔任甄妮個唱特別嘉賓很受歡迎﹐因為兩人旗鼓相當﹐曾出現唱爆咪情況﹐兩人惟有跳西班牙舞直到一曲既罷。

羅文會否計劃再與甄妮拍檔開個唱呢﹖他說現在做事係冇計劃﹐有人搵到就做﹐但求做得開心﹐何況接著下來他有排忙﹐甄妮到大馬、廣州登台﹐他都是擔任特別嘉賓。

完成登台合約後﹐羅文表示會到捷克布拉格觀光﹐然後到英國逗留一個月﹐再到巴黎遊覽。他說﹕到了這個年紀﹐玩是最重要。所以他與甄妮經常以姣婆、死八婆互相稱呼﹐如果唔識講笑﹐唔可以做這一行啦﹐唱歌都係為氹觀眾開心。此次﹐鄭伊健曾送花牌賀他演唱成功﹐補償過年冇向他拜年﹐氹他開心。問他仲有冇嬲徒弟﹐羅文笑言小事一件﹐他根本冇嬲伊麵。