2001-03-03 蘋果日報 老闆５７歲生日 壽宴前揀禮物 羅文水晶元寶賀楊受成牛一

今日是英皇娛樂老闆楊受成五十七歲生日，身為旗下歌手的羅文，昨日親自到中環揀選了一件元寶水晶擺設，來賀楊受成牛一，認真夠心思。

今日是英皇娛樂老闆楊受成五十七歲生日，楊老闆一眾友好，特於昨晚跟他晚飯慶祝，而羅文昨日下午更親自到中環選購生日禮物，揀選了一個價值數千元的元寶水晶擺設送給壽星公，祝他事事如意，金銀滿屋，認真好意頭！

拒談生日願望

昨日下午三時半左右，記者見羅文在中環中建大廈的「琉璃工房」內購物，追問之下，始知道他準備選購生日禮物給好友楊受成。羅文說：「我見到個元寶水晶擺設幾合眼緣，咪買嚟送畀佢囉，價錢大概幾千蚊啦，今晚食飯我先至送畀佢！」

記者昨日致電跟楊受成祝壽，欲問他有何生日願望時，楊受成竟繼續封口說：「唔好意思，我唔做訪問！」

原來，早在上星期，楊受成已跟家人一起吃飯慶祝，除女兒女婿外，他兒子楊其龍亦有出席，跟老父在家中慶祝生日。

與家人慶祝

楊受成女兒楊諾思昨在電話中說：「我哋幾姊弟夾份送咗件Knit Wear畀佢，而佢一班孫仔孫女就輪流錫公公一啖！一家人食餐飯，幾開心吖！」至於楊其龍則在電話中說：「其實喺屋企食餐飯，都冇乜特別，不過，我都有祝佢生日快樂，身體健康！」