勁歌金曲第一季季選又舉行過嘞！記憶所及，今次已經係我第九次做勁歌金曲季選。
拍擋已經換咗四次，由第一次嘅鄧麗盈、鍾保羅，到第二次嘅黃靄君第三次嘅林穎嫻，以至今次周慧敏。而勁歌金曲季選喺呢兩年來亦經歷唔少風浪。
當年同唱片業協會嘅糾紛，令到好多歌星却步唔敢上電視，搞到要喺季選請嘉賓同埋淨係睇錄影帶。
後來事件平息，所有歌星都可以再喺電視上出現，又發生譚張歌迷不和，令電視台唔敢派飛畀呢班歌迷，轉而派飛畀客戶，結果搞到場面冷清，反應唔夠熱烈。終於就出現咗譚詠麟以後拒絕再接受任何獎項事件。
世事多變！
今次，係一九八八年十大勁歌金曲第一季季選，情况似乎比想像之中好，好嘅意思，係唔再有一個歌星攞幾個獎，而畀好多機會新人蒲頭。
林子祥、阿梅、張國榮，照常唔出現。
Raidas最近幾次肯定餐餐有歌上榜，似乎已經喺樂隊之中，坐穩第一把交椅。
陳慧嫻女形象十分煞食，又將佢嘅歌唱事業推上另一高峰，之後退出歌壇，係一明智之舉。
黃凱芹竟然可以擊敗劉美君，有歌入選，證明越來越受歡迎，未知電台方面會否擔心。佢嘅歌手形象就唻超越ＤＪ形象，並非好兆頭，小心保存呢塊實。
甄妮旣有演唱會，又有歌入選，又減肥成功，喜上加喜，可喜可賀。羅文傷癒復出，仍然證明佢嘅實力不容忽視，但係當晚見到有啲無聊嘅現場觀眾，向佢發出噓聲，眞係討厭。
陳百強做完個人演唱會後，狀態漸入佳境，唔知點解嗰晚心情欠佳，希望丹尼仔可以快啲平復容易激動嘅情緒。
咁又一季，時間過得真係快，下一季又會如何？又會有啲乜嘢得意有趣嘅現象？
三個月之後再分曉！
站主註：羅文當晚演出片段：