今日各大報章已刊登羅文的訃文，訃文公告羅文原名譚百先，虛齡五十八。而昨晚是羅文的頭七，Terry表示找高僧為籮記做法事，而籮記亦將於下月二日丑時回魂。
在羅文的訃文中，清楚顯示羅文的年齡為五十八歲。不過，據英皇高層甘菁菁表示，訃文中的年齡是以虛齡計算。籮記實際年齡是五十七歲，一九四五年出世，生肖屬雞，據知羅文生前來港在身分證上報細年紀，所以才誤傳終年五十二歲。
羅文已病逝一星期，昨晚是籮記的「頭七」，籮記的前助手兼好友Terry，昨日首度開腔接受電台訪問，Terry心情已回復平靜，他說：「頭七會避開傳媒，交由高僧喺寧靜地方做儀式。」至於籮記的回魂夜，據堪輿學家區仲德師傅計算，羅文魂高一丈六尺，將於農曆九月二十八日（西曆十一月二日）回魂，其魂魄將於丑時由西方來，卯時由東方去。而羅文的大殮日子，沖犯鼠年出生人士，生人勿近！
骨灰安放地留待家人決定
至於大眾最關心籮記的骨灰將安放在甚麼地方，其實他生前接受電台訪問時曾表示，若死後會將骨灰灑到自己喜歡的地方。不過，Terry在訪問中卻強調，籮記的骨灰不會灑在獅子山，亦不會到處灑！他說：「其實籮記嘅骨灰要保留番，由佢家人決定，唔想傳媒亂寫任何嘢，對佢家人同朋友造成滋擾。況且火葬後，唔會運去第二度，會放喺殯儀館先，火化之後都剩番好少灰。」有報道指籮記的靈位將安放在圓玄學院或志蓮淨苑，Terry只說：「呢啲私人嘢，留番畀佢家人決定。」
對於籮記生前有否立遺囑，Terry說：「劉培基講過冇立遺囑，會留番畀律師同遺產管理局，希望傳媒唔好再亂寫。另外，唔好再寫籮記嘅喪禮用咗幾多錢，因為呢個係無價嘅喪禮，好多朋友出心出錢出力！」籮記生前為善最樂，有報道指不少慈善團體為籮記建設紀念館，Terry則說：「我都收過好多電話，我唔希望有人沽名釣譽，要有詳細嘅安排及跟進，至於有好多醫院同機構希望用羅文命名，就要小心處理！」
怕混亂不設公祭
而Terry在訪問中曾表示可讓歌迷到靈堂致祭，但英皇高層甘菁菁則表示Terry可能有所誤會，她說：「絕對冇公祭！只係有班跟隨籮記二十幾年嘅Fans喺靈堂幫手打點。希望歌迷體諒，因為得到警方指示，唔想引起混亂。」
另外，張學友昨日出發到重慶舉行演唱會，為出席羅文的喪禮，他推卻不少工作，他說：「都係啲去台灣宣傳唱片嘅工作，依家冇嘢緊要過送籮記最後一程！籮記喺依家樂壇係難得嘅真正藝人！（同佢有乜難忘回憶？）唉……太多喇！總之在心中。」問到會否如籮記所願穿得靚靚出席喪禮，學友說：「都會嘅，不過大會有指定嘅服裝。」