羅文逝世當日曾數度誤傳死訊﹐而第一個宣布消息的是「商臺」節目主持人查小欣﹐她聲稱之前曾向楊受成求證。昨日查小欣特別邀請楊受成接受電話訪問﹐藉以解開有關疑團﹐而楊受成亦自責在今次事件中過於魯莽﹐未有求證便向查小欣說出羅文死訊﹐並就事件公開道歉。
在訪問中﹐二人先後公開道歉﹐「楊生」稱當日除了擔心羅文病況外﹐還很擔心其助手「阿東」﹐因為自中午一時羅文病情告急開始﹐「阿東」便一直哭到晚上七時﹔其實當時羅文已有定案﹐「阿東」整個人陷於混亂﹐連醫生也擔心他熬不下去﹐故他早已著大家小心睇住「阿東」﹐擔心他驚聞惡耗後不知會有什麼反應。
說到有報道指羅文於當日中午一時已腦幹死亡﹖「楊生」表示不清楚﹐因去到醫院時﹐羅文已沒有知覺﹐靠儀器維持生命。而在病房內目送羅文最後一程的﹐包括有羅文的胞姐胞妹、徒弟鄭伊健、林珊珊、阿東、Terry、何麗全、吳雨和英皇約十個同事。
由於羅文一直深信自己可戰勝病魔﹐沒有立遺囑﹐故遺產分配亦受關注﹐而查小欣在節目中重播了兩段羅文生前的訪問﹐其中一段是提及遺囑和身後事。第一段是前年五月﹐談及喜愛珠寶首飾的羅文有很多珍藏品﹐當時羅文笑說﹐「有次同成班朋友去跳舞﹐我同佢地講﹐『如果第二日我瓜咗﹐都要係咁（跳舞）。』我會叫所有朋友快些同我跳舞﹐想要遺產就同我送終﹐我就從保險箱拿珠寶出來分畀大家﹐咁就開心啦﹗去靈堂時﹐唔好著波鞋牛仔褲﹐否則我即刻打摔角﹔同埋唔畀喊
﹐著到七彩都唔緊要﹐音樂要播rave﹐大家happy送終。另外﹐我一定要火葬﹐不要堆我落地﹐我最怕黑暗﹐唔畀蟲蛀﹐燒咗乾手淨腳﹐將骨灰灑落我鍾意的地方﹐不要放海角﹐飄飄下好似鬼落海﹐我唔制﹗最好每處一撮（骨灰），例如我鍾意的戲院﹐俾我有機會玩下……。」
當時查小欣還指羅文何解說這些不吉利的話﹐他笑道﹐「講就會死咩﹖係呀﹐我心態好開心呀﹐好多人鍾意同我傾偈﹐事在人為呀﹐要靠自己﹐開唔開心人家幫唔到你﹐最緊要靠自己。」
另一個訪問是去年八月廿九日﹐提到立遺囑﹐羅文反應很快地說﹐「啋過你呀﹗我那些首飾咁靚﹐自己都未戴夠﹐仲分畀人﹖諗都無諗過﹐要放長遠睇呀﹐我無病﹐人要靠意志﹐人人都話我好﹐醫生護士都好錫我。」言語間盡展其樂觀的人生態度。