肥姐連日來為老友羅文的病情憂心忡忡，前晚她和汪明荃做完無線台慶亮燈儀式後，立即趕往醫院探望籮記，事隔２０小時，昨午肥姐錄影完《掌聲的背後》節目後，再度趕往醫院，離去時更被發現在病房外偷偷抹淚，顯然籮記的病情並不樂觀。
事實上昨日肥姐錄影《掌》節目時已頻吃螺絲，問她是否受籮記的病情困擾？她忍不住歎氣說：「唉，睇我今日表現咁差都知啦！」昨午她探病後卻指籮記精神不俗，還識跟大家講笑！只是前日肥姐才透露籮記近日已病得不能說話，怎會事隔一日又說起笑來？
前日籮記契媽張太和籮記前助手Terry於晚上１０時半陸續離開，張太被問到籮記情況時，她連聲說好：「籮記胃口好咗，但暫時仲係要食流質食物，幾時出院？就快啦！」
霆鋒坐監兩周已太多說到謝霆鋒被判社會服務令，外界認為判刑太輕？肥姐對此扯火回應說：「多鬼餘！坐咗兩個禮拜仲唔夠呀？真係火都滾埋，叫佢去坐呀！兩個禮拜已too much，我唔係法官無權講嘢，不過我要多謝法官大人明察秋毫！」
肥姐認為坐監兩個禮拜，對霆鋒已收小懲大戒之效，她續謂：「佢話唔再揸車咁就乖啦，至緊要佢知道揸快車嘅危險，對其他他揸快車嘅人亦起到警惕嘅作用！」肥姐並說不會因霆鋒事件而阻止欣宜學車，她說：「喺外國唔揸車就好似跛咗咁，明年欣宜滿１６歲，我都會畀佢學車！」