日前羅文因為照內窺鏡而要在腹部開了三個小孔，昨日籮記精神奕奕到瑪麗醫院為傷口拆線，他對治好惡性腫瘤充滿信心：「我做咁多善事，唔怕嘅！」籮記的愛徒鄭伊健昨日更帶備一箱健康飲品孝敬師父。此外，覺光法師也到籮記家中，為他誦經祈福！
羅文自發現患上惡性腫瘤後，日前他曾往瑪麗醫院，由醫生替他在腹部開了三個小孔，以內窺鏡檢查其腫瘤狀況；昨午三時，籮記（羅之暱稱）在契媽及兩位助手陪同之下，再返醫院為傷口拆線。身穿粉紅色Ｔ恤的籮記看來精神奕奕，頗為風騷！籮記說：「我今日嚟覆診，主要係拆線，我個傷口仲有啲痛、有啲痕，但冇敏感，多謝大家關心啦！（你會唔會因為身體唔舒服而唔開心？）我好開心呀！都冇事，我冇再諗個病，你知啦，小病小醫，大病大醫，唔怕嘅，我做咁多善事，早啲醫好，一了百了。」語畢籮記便前往醫院內的腸胃肝膽內科部門，逗留約十五分鐘後，他與助手進入另一間房，但最後籮記由另一通道離開。
覺光法師誦經祈福
昨日籮記曾接受《全線大搜查》訪問，他笑說：「我今日食咗排骨炒麫，食完覺得個胃頂住，有啲唔舒服。（驚唔驚呀？）唔驚，我一定冇事，放心，一定醫得好。」此外，前晚趙學而曾夜探籮記，事後她說：「籮記精神好好呀，冇乜嘢。」籮記的愛徒鄭伊健，昨晨自拉斯維加斯返港後，隨即帶備一箱健康飲品探望師父，伊健說：「我今日啱啱落機咋，我聽荷里活啲人講，話呢隻健康飲品好，咪帶畀籮記，每個人都會病，要樂觀面對，（GiGi都病咗喎！）知啦，但冇辦法，都要面對。」覺光法師昨午亦專誠造訪籮記，他表示以往經常請籮記為佛教節目演出，故以朋友身分探望，雖然覺光法師只逗留二十分鐘，但籮記的助手阿東表示，法師曾為籮記誦經，而籮記也說：「我精神幾好呀，頭先覺光法師見到我，都話係咪醫生斷錯症呀！」