2000-08-23 新報 羅文新碟落足工本 與紐約廿幾位樂手合作

羅文將會前赴紐約灌錄新唱片﹐他稱這是史無前例的大製作﹐此唱片籌備了整整一年﹐由紐約廿多個樂手演唱中國經典金曲。問他為何不找香港樂手製作﹐他解釋﹕‘香港沒有音樂家﹐只有電子音樂人﹐如果要我用電子去做音樂﹐我情願唔做。’

今次往紐約做唱片﹐羅文坦言花費龐大﹐因為當地的音樂人薪酬頗高﹐而他更會來回紐約兩次﹐本周六他先赴紐約拍攝ＭＴＶ﹐九月中再去紐約錄歌﹐斷斷續續在彼邦逗留一個月﹐此唱片預計於年尾推出。有記者問他加盟英皇後﹐可覺得英皇的是非特別多﹐羅文即說﹕‘咁是非都要人紅先會多﹐我而家同記者講公司歌手的事情﹐如果報道誤解了我的意思﹐我都要即刻打電話同老闆解釋。’

談到最近圈中人吹起講粗口的風氣﹐羅文說﹕‘舊時只係互相篤背脊﹐詐作唔覺意篤別人出來﹐而家就露底罵人﹐風氣真係唔同﹐冇以前咁守舊。我覺得講幾句粗口只係一種發洩﹐用一、兩個字眼冇所謂﹐只係助語詞﹐成句粗口就唔係咁好。閂埋門就得﹐公眾場合就要收歛啦﹗’