天生一副明星相的謝霆鋒﹐最近緋聞女友竟然是樂壇天后王菲﹐照年齡和輩份﹐年逾三十的王菲是可以做霆鋒的阿姨了。
昨日一大清早﹐王菲動身啟程前去日本﹐出席當地舉辦的頒獎活動﹐接受「最高銷量外國歌手」的殊榮。阿菲外遊﹐向來以姍姍來遲見稱﹐好幾次因遲到差點上不到機。但昨日王菲卻一反常態﹐乘十點的航班﹐阿菲於早上九時便抵達機場﹐並親自到櫃位辦登機手續﹐反而其經理人陳家瑛卻遲晒大到。
阿菲的心情﹐顯然未受緋聞所影響。記者問阿菲﹕「可唔可以影張相﹖」
寬姐﹕我都想佢拍拖
「你地鍾意咪影囉﹗」阿菲沒有迴避記者的鏡頭﹐邊行邊走﹐以行動來告之記者她不會回答任何問題。
陳家瑛亦拒答﹐她說﹕「唔講喇﹗」
後來記者轉而向阿菲的經理人邱王黎寬﹐寬姐沒好氣地道﹕「唔通出嚟飲杯野都話拍拖咩﹗如果係﹐不如話劉嘉玲仲好﹐最陪得阿菲多嘅人就係劉嘉玲﹐佢成日陪阿菲去飲野﹗」
寬姐以非常肯定的口吻﹐向記者鄭重地說﹕「我都好希望阿菲會拍拖﹐但係依家佢真係冇適合對象﹗」
羅文指傳聞黐線
被指稱是目睹兩人親熱的「目擊證人」羅文﹐昨日接受記者訪問時﹐堅稱絕無其事。
「黐線嫁﹗點可能呀﹗」羅文向記者披露﹕當晚是一班人一起玩﹐那間酒吧是「肥媽」瑪利亞有份投資﹐王菲酒量不好﹐飲酒猜枚輸了﹐所以便被罰「錫」額頭﹐誤會因此而起。
羅文說﹕「我個助手﹐當日都有錫過啦﹗咁樣報道對佢地兩個人都太唔公平喇﹗」