2000-03-08 蘋果日報 羅文鬧祖兒伊健當講笑

羅文日前公開批評兩個徒兒，指容祖兒搵貓似做戲，見報見到「嘔」，而鄭伊健過年則沒打電話給他。羅文昨日接受商台訪問，強調自己只是愛講笑，但他卻再次重申只是伊健一個學生過年沒打電話給他。

羅文說：「我個人嚟講，不嬲都鍾意講笑，就算平時打畀佢，我都話：『Joey（容祖兒），好囉……嘔呀！』，意思係話佢紅嘛，呢個係變相講笑方法，都係讚佢紅，Joey火燭（屋企）陣，我都唔知幾擔心，好似我唔抵得啲學生成日見報咁。」

談及伊健，羅文續說：「咁伊健嗰單，過年係得佢冇打，學生過年打畀先生係咪天經地義先？老師冇權話學生咩？係得佢冇打電話之嘛。」

「八婆即死黨」

問羅文現在有冇嬲伊健，他說：「梗係冇啦！」

羅文表示容祖兒致電給他，叫他不要理這些事，羅文說：「Joey話有人撩事鬥非，重叫我唔好嬲。其實宜家啲人講死婆、八婆，係好close（親密），死黨嘅意思。」