1999-02-18 新報 城城疲到連歌迷送機都唔知 羅文新年跳舞樂通宵

昨日無線一班藝員聯同多位歌手起程到溫哥華，為加港善心賀兔年籌款活動作綵排，大會司儀會由沈殿霞和向海嵐擔任，演出嘉賓包括郭富城､羅文､李蕙敏､許志安､鄺美雲､吳啟華､張家輝､蔡少芬及王賢誌。

羅文一早帶備大袋賀年食品到達機場，他笑言差不多晚晚都在ＲＡＶＥＰＡＲＴＹ跳舞跳到凌晨六､七點，不過因為昨日大清早要飛，所以前晚便改為打麻將，他說﹕‘過年當然唔可以晚晚嘥哂啲時間，梗係要出去玩啦﹗’

對於三月舉行的個人演唱會，籮記表示已開始作出準備，而完成溫哥華登台後他便會立即飛去蘇聯練歌，然後再去歐洲購物，希望能找尋一些宮廷式和適合舞台表演的飾物。

由於演唱會售票情況理想，所以主辦機構有意加場，但籮記坦言不想加太多場，他說﹕‘我覺得加兩､三場就唔緊要，但係唔可以加咁多，因為我唔想觀眾覺得我今次開演唱會係出嚟掠水。’此外，郭富城昨日亦隨大隊起程，不知城城是否近日太過勞碌，甫出現機場便木無表情，就連一大班歌迷不停向城城作出恭賀，他都全無反應，只管急急腳直入禁區。