羅文對於農曆新年十分重視，每年都會將屋企布置得「紅噹噹」，貪其好意頭。更會預備各式各樣的賀年食品，好讓朋友到他家中拜年時，要乜有乜。
籮記每年都會添置新的床單､被及衫褲鞋襪，就連底衫褲都係。問到籮記係咪全部野都係紅色，他立即說﹕「底衫褲就梗係唔係啦﹗傻嫁咩。衫褲就係，紅色好意頭丫嘛﹗新年用新野都好正常啫﹗」而且每年踏入年初一的十二點，籮記一定會拜神，然後就用碌柚葉沖涼，十分傳統。
問到他今年的新年願望，籮記坦言希望世界和平､身體健康﹗好似太行貨喎﹖他說﹕「咁呢兩樣野真係好緊要嫁嘛，仲有就係最緊要開心，成日都有得去玩囉﹗」果然不脫籮記貪玩的本色。今年初三，他要起程去加拿大參加一個慈善ＳＨＯＷ。其實他本身很想留在香港，因為每年一班老友一定會拉隊上佢屋企拜年，他更笑言其實是開賭檔，一班人吵吵鬧鬧十分有新年氣氛。
籮記更提供一個祈求今年好運的貼士畀大家，據他所知今年初一是好日子，有十粒吉星連串在一起。所以大家不妨試喺初一凌晨十二點正之後，就係屋企望到天的地方，向住東南位誠心祈拜，因為東南位是財位。而方法就是準備兩隻杯，一隻裝米､一隻裝水和九枝紅色香。當日用九支香誠心在東南位向天拜九下，然後許願。再將九支香插入裝滿米的杯中，而杯水就飲哂佢。而啲米用完之後，就可以洗番乾淨嚟煮飯食。
籮記表示並非導人迷信，只係希望今年人人好運，務求心安理得。而顏色方面，今年利金､紅､綠､黃四種顏色，如果想財運好，不妨多穿這些顏色的衣服。