羅文近年好似成日係度「跳槽」，俾人的印象是不安定，投靠錯誤等。每當想起譚詠麟、林子祥的十年如一日不變，便會覺得羅文是選擇錯。
希望他今次「投靠」ＢＭＧ是一次明智的決定啦。
羅文看上去精明、能幹，殊不知此人最笨的是記人名，他與我相識於少年時，後來有十多年不見，他在舞台的後台見到我，叫：「林冰。」我愕然，問：「你點識我㗎？」
羅文解釋如何如何相識，我才記起，他後來一直說：「啲人成日話戲子無情，你睇，咁耐我重記得你，你都唔記得我嘞。你先無情呀。」
他記得我，因為他是我的讀者。
最近，羅文講佢記人名的笑話，笑到我碌地。
除了唱歌，喝酒，購名牌等，羅文的常識並不豐富。
人家說：趙紫陽怎樣怎樣，他問誰是趙紫陽，人家告知，叫他記住。他後來僅記得中國有名政要的名字與我們吃日本菜用來做壽司的一種海產叫紫菜的有關。
人家問：「香港現任港督叫甚麼名字？」
他快而爽的答：「麥理浩。」
其實，那期間是尤德年代，朋友敎：「哪，尤敏你記唔記得？」
「記得。」
「以後你記住港督嘅名第一個
字同尤敏的尤字一樣。」
後來他只記得：「一個叫尤，尤尤．．．．．．」尤什麼就不記得了。
這次羅文的開場白係：「你知我係幾咁識得尊重人嘅嘞······」此開場白一出，我即刻作嘔吐狀：「呃．．．．．．．．．．．．呃，要嘔呀。」
佢問：「我好唔尊重人咩？」
「講啦，快啲入正題。」
「你知我係幾咁識得尊重人嘅啦。有一次，我做騷，做到就來完，我會介紹我的舞蹈員俾觀衆識，一個叫史丹利啊，我成日記唔住，佢哋教我，嗱，你成日去的某某區，有條街，叫史丹利啊，你咁記住。點知我一開口，就錯．．．．．．．．．．．．．．．」
「你點介紹佢呀？」
「我衝口而出，叫佢：『旺角』，跟住邊個係邊個我就唔記得嘞，我話：你哋自我介紹啦。啲舞蹈員幾幽默呀，一個話：我叫佐敦，一個話自己叫尖沙咀，一個話油麻地。」
「你真搞笑。」我話。
「人名眞係好難記㗎。」
「咁就唔好自稱：我係幾咁尊重人啊，大家一齊排舞，都好多日子啦，人哋啲大名都唔記，點算章重人呀。」我專登同佢抬槓，想激死佢。
林冰