羅文的前助手Terry昨日親口否認，有報道指羅文的家人將於明年一月廿五日，由他的入室弟子包括容祖兒和鄭伊健等，從跑馬地羅文生前的居所護送到志蓮淨苑安放一事。Terry肯定地說：「多謝各位朋友關心。但係到目前為止，無計畫要將羅文嘅骨灰搬離跑馬地蟠龍道羅文生前嘅屋企，而呢間屋亦唔會賣出。」
阿東再無聯絡
而Joey亦對師傅的骨灰搬遷一事表示毫不知情，她說：「過往阿東（羅文生前另一男助手）乜嘢事都會通知我，但自從羅文去世嘅『尾七』後，阿東就再冇聯絡我。」
據知，羅文患肝癌去世引起公眾對肝病的關注，原來中國大陸有很多人患上肝炎，有見及此，明年一月十三日起為期一年的大型活動，推廣全中國人對肝炎的認識和預防，ＴＶＢ亦會參與是次宣傳部分。ＴＶＢ非戲劇分部助理總監何麗全承認此事，並表示：「呢項活動係繼『扶貧』後ＴＶＢ參與最大型嘅活動，因為羅文去世引起大家對肝病嘅關注，所以一月十三日嘅大型記者會，羅文嘅助手Terry及生前嘅好友都會出席。」
險變雙失青年
此外，Joey昨日出席「鍾意就可以點聚會」，她回顧今年自己發生了兩宗大事。她說：「因為幾乎失聲而放咗兩個月大假，差點失聲又失業變『雙失青年』。另一件唔開心嘅事就係師傅羅文去世。」有指今年娛樂圈發生好多令人不開心的事，都因為大部分藝人生活不檢點，又喜歡去蒲所致……Joey笑說：「我老了，要瞓多啲，所以好耐無去夜街了。」