鄭少秋與欣宜雖然沒有一起生活，但兩父女感情依然深厚，父慈女孝，前晚欣宜客串演出舞台劇《麗花皇宮2003》，鄭少秋就偕同兩名女兒捧場，秋官（鄭少秋）還掏出千五元要買票支持欣宜，但被肥肥發覺，追出化妝間將錢給回秋官，指女兒請他睇戲，拉拉扯扯下，各不相讓，最後要由欣宜出馬，在合照時將錢放回鄭少秋衫袋內，鄭少秋才肯軟化收回；而前日為聖誕節Boxing Day，欣宜就買了一條呔送給父親，盡顯孝心，而兩位同父異母的妹妹，則收到啤啤熊作聖誕禮物。
發夢見到羅文叔叔
欣宜首度踏台板，心情甚為緊張，肥肥指女兒於大前晚夢見羅文，肥肥謂：「欣宜今朝起身嗰陣喊，原來佢發夢見到Uncle Roman（羅文），我同欣宜講，羅文喺天上睇着你，你要努力呀！」
聽見肥肥提起羅文，欣宜已經開始眼紅紅，問她Uncle Roman有否說話，欣宜答：「佢着住件好靚嘅白衫坐係我床邊，同我講我做得好好，跟着自己又唱又跳。」
秋官與欣宜接受訪問時，欣宜向爸爸訴苦，指自己忘記兩個舞步，秋官即安慰道：「係咩，我睇唔出喎，你執生叻過我嘞，慢慢嚟啦，仲可以更好。」
秋官給女兒八十分
問秋官給女兒多少分，他望着女兒笑說：「八十分啦，等佢要繼續努力，（你知唔知欣宜秘密減肥？）要嘞，勒令減肥添呀，而家興瘦身嘛，當然，健康最緊要！」至於肥肥對自己婚姻的一段獨白，秋官坦言有留意到，並謂：「好感人，不過，十幾年前嘅嘢我已經忘記咗，只不過係一場戲，現實之中混合一啲藝術加工，先能夠引起共鳴嘅，（咁肥肥有無同你講過無着婚紗係一件遺憾事？）好似無，唔記得嘞，嗰女（搣一搣欣宜面額）都咁大啦，最緊要佢幸福快樂！」