林海峰前晚在音樂會上，揶揄許志安穿T-back、謝霆鋒出爾反爾和楊千女華遲開騷，實行大玩特玩。林海峰最後為向羅文致敬，獻唱羅文遺作《讓我奔放》。
林海峰和台灣樂隊糯米糰，前晚在會展演出「拉闊音樂會──林海峰×糯米糰」，還邀得楊千嬅、蘇永康和盧巧音任表演嘉賓。
諷刺千嬅遲到
林海峰前晚不停以許志安、謝霆鋒和楊千嬅等做揶揄對象，林海峰開騷前搞笑地說：「我九七年推出唱片，賣出三萬六千張，我其他三隻碟都賣萬幾張，我有資格攞全年最高銷量男歌手，氣勢直迫啤梨（葉文輝）。你哋（指觀眾）賤唔賤格，重掀起撲飛熱潮，大家睇周杰倫同F4，想睇嘅都會睇到，我比我想像中堅強。」
林海峰前晚八時多開騷，甫上台即諷刺千嬅：「我上台前飲咗減肥茶，屙咗一陣，下次我重會遲啲先開騷。」千嬅早前舉行演唱會，很遲才開騷，令觀眾鼓譟，其後她解釋是因飲了減肥茶引致肚瀉。
林海峰接着又扮霆鋒，當音樂響起，他說：「今年我經歷咗好多風風雨雨，傳媒唔公平對待我，受到好大壓力。我應承大家唱多啲好歌，我宣布退出樂壇，與此同時，我又宣布重返樂壇。」林海峰隨即模仿霆鋒在台上食煙和傾電話，又扮安仔演唱會時穿T-back。
希望做talk騷
搞笑一番後，林海峰感性地說：「有日我見到一個電話，點解重有呢個人電話？家姐話有啲嘢留得低，有啲嘢留唔低。」繼而他演繹了羅文的《讓我奔放》。問林海峰以其他歌手做玩弄對象，可怕得罪人？他說：「我冇講嘢得罪人，希望下次有機會做talk騷。」