羅文前晚於瑪麗醫院與世長辭，昨日其助手阿東、前助手Terry和各好友暫時放下悲傷的心情，不停穿梭香港殯儀館、籮記寓所、死亡登記處等。而阿東昨日亦親口證實籮記將於２８日設靈、２９日舉行大殮儀式後，遺體隨即送往哥連臣角火葬場火化。
昨日早上９時４５分，Terry孭著一個大袋和一個行李喼返回籮記寓所，逗留了５分鐘後便離開。對於籮記的身後事，Terry一概沒有回應，只說：「我唔需要同你哋交代，係唔係要同你哋嘅老闆講呀？人都走咗囉，件事完咗，一切都結束。」而阿東則於１０時左右離開寓所到西區警署，期間對記者的問題亦沒有回答。阿東於１１時許和「豹小子」其中一名成員甘子輝到灣仔胡忠大廈的「死亡登記處」為籮記辦理死亡證，期間兩人曾於文件上簽署。問到籮記逝世，他是否很難過？阿東帶點無奈說：「梗係會，跟咗佢咁多年，一定會好傷心。（籮記有乜遺言？）唔好講呢啲。」之後兩人便到跑馬地吃午餐。
哥連臣角火化
下午１時，阿東和甘子輝到達香港殯儀館，期間阿東一直低著頭，對記者的提問依然不發一言。２時Terry亦到達，３人齊安排籮記的身後事，在場的保安見大批記者跟隨，便欄截著記者上前採訪。過了一陣子，阿東心情平復下來，便主動向記者交代說：「籮記會喺２８號設靈、２９號大殮，之後遺體會送去哥連臣角火化。喪禮將會喺１樓打通咗嘅基恩堂同主澤堂舉行，大約可以坐５００至６００人，而喪禮將會採用佛教儀式。」
問到儀式會採用中式或西式棺木？阿東說：「總之最靚啦！（籮記會著乜衫？）我會幫佢執，我不嬲都幫佢著衫啦！啲花全部都係香檳色！」
阿東忍無可忍
三人辦完手續後，便到海逸酒店飲茶，而英皇高層吳雨、甘菁菁、林偉漢亦相繼抵達，及後Terry和阿東又返回殯儀館。直至晚上７時三人離開，記者問到有指前日下午籮記誤傳死訊，是他致電楊受成告之，阿東似乎已「忍無可忍」，怒斥記者：「你哋唔好問啦！我唔會再答任何問題！」而Terry亦立刻幫著阿東說：「唔好答、唔好講，人都唔喺度！」阿東亦說：「我唔知，當時我好亂，唔知自己講乜！」
對於籮記棺木採用的楠木，殯儀館的工作人員表示價錢由１０多萬至百多萬不等，不過如果要訂造的話，一般４至５日已可以起貨。對於籮記的喪禮採用佛教儀式，一般要子女「擔幡買水」，但籮記沒有子女，該工作人員表示徒弟或契仔、契女亦一樣可以。
未定化妝師
香港殯儀館總共有兩位化妝師，其一位名林美賢，當年任劍輝和陳耀旻太太鍾璧澤的遺體亦是由她負責。問到今次籮記的遺體是否由她負責化妝？她表示還未知道，因為未有人通知她。她表示除了用殯儀館的化妝師外，先人的家屬亦可自僱化妝師，像當年鄧碧雲的遺體，無線的化妝師陳文輝亦有幫手。問到籮記的遺體十分瘦削，是否可以化成「豐滿」一些？她說：「當然唔可以，我係化妝師，唔係整容師！（唔係可以塞綿花咩？）要睇情況，如果塞太大舊會好似含住粒欖核咁！
伊健叫記者著靚靚去靈堂
陪伴師傅羅文走過最後一程的鄭伊健，昨日出席世界自然香港基金活動時未見太大哀傷，問到心情，伊健說：「冇事，不過梗係有啲唔開心，但係都冇辦法。」問到師傅臨終有沒有遺言？前日整日是否在彌留之間？伊健則拒絕回答。對於傳媒下午報道籮記的死訊，伊健則有些激動說：「我對報道好唔開心，呢啲係操守問題。（你有冇喊？）師傅唔鍾意人喊，師傅生前鍾意人哋開心，所以你哋（記者）如果去靈堂採訪，要著得靚啲。」
問到師傅對他有何寄望？伊健微笑說：「冇寄望，緣分好難講，佢鍾意我老實。（師傅有乜留低畀你？）佢留低責任畀我，有機會唱歌就好啲。」對於師傅一切的事，伊健都表示不想多說，問到他是否「在心中」？伊健點頭承認。