對於一代巨星羅文的逝世，娛樂圈眾藝人也紛紛感到惋惜，對於他的藝術天分、專業的精神，以及對生命的執著都教人敬佩。
曾志偉：佢將香港樂壇帶往全世界
曾志偉昨日被無線製作總監何麗全急召回港，為昨晚臨時悼念籮記的製作特輯任主持。問到他對於籮記逝世有何感想？志偉說：「梗係惋惜啦！（有無同佢合作過？）佢告別演唱會時我幫佢做司儀，佢將香港樂壇帶去全亞洲、全世界有中國人嘅地方，佢亦都帶起舞台上衣飾嘅潮流，佢係一個好人，所以咁多人關心。」
有指籮記一直想在紅館開個唱，現在心願未了，志偉感慨說：「無辦法，人生就係咁，佢係年青人嘅一個模範。我識得有幾個朋友都係患肝癌，其實係好辛苦，籮記可以捱咗咁耐，係好難得，籮記係好相信自己，佢唔放棄任何一分鐘，已經係贏咗！」志偉最後更表示，假若籮記的喪禮有任何宗教上需要幫手的事情，他都可以幫忙。
鄭少秋：失去２６年友情
昨日秋官拍《血薦軒轅》外景時，對相識２６載的籮記撒手人寰感到相當的難過，並稱讚籮記帶領潮流，無論表演方式或形象，都甚有個人風格。「聽阿姐（汪明荃）講，籮記生存意志好頑強，一直掙扎到最後一刻。我哋打從７６年拍《書劍恩仇錄》時相識，雖然一直好少聯絡，但佢畀我嘅印象係個好有個人風格嘅藝人。」
秋官續謂：「佢一直走在潮流嘅尖端，香港未流行嘅佢已經做咗。好似拍寫真同扮女裝等。籮記係個唯美主義者，樣樣事情要求完美。我都追求完美，但我全職演戲，方向唔同，唔可以相提並論。」
任賢齊：佢係個好前輩
對於羅文病逝，身在上海的任賢齊得知此消息後，亦感到十分難過。雖然和籮記合作機會不多，但小齊仍然大讚籮記。他說：「佢係一個好好嘅前輩，佢好值得大家懷念。我覺得佢好堅強，這麼勇敢面對，佢病得好辛苦，佢依家去咗天堂過得一定好快樂。」
黎瑞恩：曾有師生關係
小恩子雖未和籮記真正合作過，但兩人曾經有師生關係。「以前有段時間我覺得唱歌唱得唔夠好，所以跟過籮記學唱歌，一落堂佢即刻話：『你下次唔使嚟！』原來佢嘅意思係我已經唱得ＯＫ。之後我又無時間，所以無再去。」小恩子更說既然籮記如此勇敢面對，希望大家不要投以特別的眼光。
英皇三Ｔ：佢知道我哋係邊個
對於電台誤發死訊矛頭直指楊生，三人表示：「可能內部溝通不好，不過我們知道消息後都不開心。」三Ｔ與籮記不熟稔，不過曾經聯同楊生去探望他，三人強調：「佢知道我哋３個係邊個，還和我們打招呼。我們聽過晒籮記嘅歌曲，英皇正計畫出唱片向籮記致敬，我們還唱了一首《在我生命裏》」
蕭正楠：我爸爸也患癌
原來蕭正楠的父親也患有癌症，故令他對籮記的病情更是感同身受。蕭正楠感慨地說：「籮記面對逆境的求生精神，值得好多人學習，因為他沒有放棄自己，不似得時下的人，或欠人幾萬元、或有感情問題，便要生要死！」
對於父親的病情，蕭正楠只謂他在康復中：「爸爸好正面，例如他學氣功、研究食療來幫助自己。他的醫藥費頗大，我有給家用減輕負擔！」
車婉婉：佢光明磊落
婉婉說前日在打波時收到誤傳羅文逝世的消息，令她差點淚灑高球場。婉婉說：「我同佢好熟，佢係我老師。我一收到真係想喊，但係忍住唔想人睇到。我真係唔明點解會有呢啲消息，唔好玩我啲情緒啦！我已經好down！」她早前曾到羅文家探訪：「我覺得人好化學，我希望佢好，我亦都想好似佢咁光明磊落。」