最近有傳羅文肝癌病情惡化，每日都有不少圈中好友探望羅文，前晚有籮記愛徒鄭伊健及鄺美雲來探訪，大家興之所至，實行打番幾圈麻雀添。圖、文：娛樂組前晚８時，籮記的愛徒鄭伊健和經理人林珊珊、鄺美雲到達籮記家中，在屋內逗留４小時多後，凌晨時分，壽星公伊健（１０月３日生日）與林珊珊先行離去，Cally則逗留至凌晨１時還未離去。
伊健和珊珊離去時，記者問籮記的病情，珊珊即時指著伊健說：「你問佢啦！」對於師傅的病情，伊健沒有正面回答，只表示這次是到師傅家中打牌，記者笑問是否屬實時，伊健堅稱：「真！不過籮記冇打，佢只係坐一邊睇。」
問到哪個是贏家？伊健則說：「我哋唔講錢嘅！」問到籮記是否如外界所說瘦至６０磅？伊健說：「唔知喎！又冇磅過！」
前晚在等候期間曾發生了一段趣事，事緣期間無線的外景隊突然到上址拍攝，現場氣氛即時十分緊張，原來得知工作人員只是到上址拍攝探望籮記的訪客，大家才鬆一口氣。
昨日早上１１時許，前助手Terry離開籮記寓所到瑪麗醫院，記者問他此行的目的，是否到醫院拿籮記的檢查報告？他沒有回應。但當記者提到某報道指籮記為醫病而耗盡積蓄，Terry即說：「我唔知你哋講乜，我唔會講嘢！」
肥姐透露羅文未驚過
昨日肥姐在電視城為《掌聲的背後》作錄影，對於籮記賣樓籌醫藥費，她說：「邊個話？多鬼餘！當然無啦！佢日日都睇報紙，唔好搞到佢唔開心啦！總之佢衣食無憂！」
肥姐讚籮記意志力強，一定安然無事。肥姐說：「佢前日同我講：『我未驚過！我唔驚！過到『重九』就得！』睇佢嘅意志力應該無事。」至於外間有傳籮記情況危殆，肥姐聞言即道：「啋！啋！唔准用呢個字眼，佢無事，一定可以大步檻過。」
肥姐更以多事之秋形容近來籮記及霆鋒新聞：「我初時聽到霆鋒嘅判決真係唔舒服，佢年紀細，對法律唔清楚，但佢唔係揸刀打劫，開槍殺人，咁樣似乎重咗啲，判做社會服務令會好啲。」