羅文自證實患肝癌後，一直處於休息狀態。昨日有報道指籮記早前尋訪兩位同是「陳伯」的風水師及醫師，並直指籮記得風水師陳伯透露今年年三十晚是他的大限，籮記即大為震怒說：「講到我過唔到年三十晚就死咁！我真係好嬲呀！」
羅文（籮記）自本年五月證實患上肝癌後，一直養尊處優，並四出尋訪名醫治病。昨日有雜誌大字標題報道，指籮記早前得風水師「陳伯」贈言，今年的年三十晚是他的大限。昨日記者向籮記求證此事，只見他神采飛揚地離開寓所，並手持香烟，狀甚風騷。
提到有報道指年三十晚是他的大限，籮記即大為震怒說：「我唔滿意個標題講到我好似過唔到年三十晚，就死咁！我真係好嬲！（依家健康狀況點樣？）你睇我依家點樣，不知幾咁精神，總之我乜都唔怕，食烟都冇問題呀！」
對於該報道以「神醫」來稱呼陳伯，籮記憤怒地說：「唔好叫陳伯做『神醫』，好似侮辱緊佢咁！如果佢知道係因為我而有呢個稱號之後，唔醫我咁點算！以前都有人叫我做『歌神』，我都好嬲，歌乜神啫！係咪講我唱歌唱得唔好吖！」
甄妮堅稱關係良好
另外，甄妮昨日在電台訪問中提到邀請籮記任演唱會嘉賓一事，她表示會以籮記的健康為大前提，並說：「最緊要係籮記嘅健康支持到，我絕對歡迎佢嚟做我個演唱會嘉賓，據我所知佢食咗藥以後，個肚會好脹，如果坐得耐，就會好痛，佢嚟我絕對歡迎。（之後傳出你哋不和？）我同佢嘅關係一向都好好。」