連日來都負責照顧和保護英皇藝人且一直有代表發言的英皇藝人管理部總監霍紋希，對於老闆楊受成被捕一事三緘其口，只說：「公司唔會為呢件事作回應。」
至於部分英皇歌手，都選擇了「集體封嘴」行動，一概不為老闆被捕之事而發表意見，即使連日來振振有詞地「力撐」容祖兒的謝霆鋒，也只肯作出這樣的回應：「我唔理呢啲事。」大夥兒齊齊以行動來支持老闆楊受成。
至於在家中養病的英皇大哥羅文，還未操心完徒弟容祖兒之事，昨日又接到他的唱片公司老闆兼好友楊受成被警方拘捕之消息。他在電話中接受本報訪問時，憂心忡忡地說：「擔心！梗係擔心啦！但我擔心都冇用，做唔到啲乜。對我嚟講，工作上楊生係一個好老闆，朋友方面，佢對我好好……今年時年唔好呀！落雹呀！下年就會好啦！」
羅文讚楊受成
問到楊受成與容祖兒被捕是否與梁思浩遇襲事件有關時，羅文頗抗拒地表示：「我唔可以發表任何意見，我見到楊生被警方調查好唔開心，出面有乜嘢傳言都好，楊生真係對我好好。」
身在四川宣傳電影《蜀山傳》的鄭伊健，聽到消息後立即呆了呆，凝重地說：「嘩！依家事態愈嚟愈嚴重喎！完全冇人同我講過喎！我唔方便講任何嘢。（警方話會搵英皇其他歌手調查。）我冇接過任何通知，公司亦冇同我講，星期六晚我就會返港，返去之後會去英皇了解一下。」另一英皇中人何超儀則表示：「我絕對相信我老闆（楊受成）同容祖兒係好人，我會默默咁支持佢哋。」
至於英皇另一朵小花葉佩雯則謂：「我唔知楊生被捕，我根本唔清楚發生乜事。（有冇同祖兒通過電話？）知道佢好忙，我諗住等佢做完晒工作，休息吓，唔好俾佢咁大壓力，之後先至打電話俾佢。（警方有冇搵你協助調查？）冇呀！其實我覺得整件事都誇張咗，佢只得廿一歲，仲係個細路女，對佢好唔公平。但佢咁叻女，我諗佢都識得控制自己嘅情緒。（擔唔擔心楊生會被起訴？）我唔知，根本就唔係一件真實嘅事，依家佢都係協助調查啫！唔會有乜嘢。」