羅文面對肝癌奮勇頑抗，在鄧光榮介紹下找到在元朗有「神醫」之稱的中醫陳伯為其治療，日服四千元一服的中藥，晚晚最少去五、六次洗手間排毒，接受陳伯的全中藥抗癌兩個半月，羅文已花掉三十多萬，但他說「一啲都唔貴啫！救命嘅噃！」
羅文自證實患上肝癌，不斷積極力抗癌魔。昨日他便在契媽張徹太太及助手阿東陪同下，一早驅車到元朗找尋有「神醫」之稱的中醫陳伯診治。
不戒口食月餅
經陳伯接手醫治兩個半月，羅文病況已見好轉，他對自己的病況十分樂觀，還有兩個多月才到中秋節，羅文昨日已到老字號蓮香酒家，提早買月餅享用，還到余仁生買了一大包中藥。
羅文在跑馬地家門口遇記者時，講及病情他輕鬆地說：「我係喺余仁生按陳伯處方執藥。成三、四千蚊一劑，一日食一劑。淨係食藥一個月都要成十二萬，兩個幾月就要成三十幾萬，但我覺得一啲都唔貴啫，救命嘅噃！」
不過羅文說最近陳伯叫他減為隔日服一劑藥，處方每個星期改變，更囑咐要多休息。但羅文卻要做個不瞓牀的病人，堅持每日做半小時運動，包括慢行及舉啞鈴，亦毋須戒口。
羅文說：「我每日食完中藥後，就要頻頻上洗手間排毒，尤以晚上最頻密，一晚最少去五、六次之多，排泄物係黑色嘅，雖然係咁屙，但我一啲唔覺虛弱。」
隔日元朗覆診
羅文現時接受全中藥治療，每日服食陳伯開的中藥製劑，另配合服食靈芝、雲芝及其他保健藥品，而且隔日便親身入元朗找陳伯覆診。
目前羅文每隔一段時間，就會返瑪麗醫院檢查，但沒接受西藥癌症治療及服西藥。
羅文說：「啲人話我已經好番，邊有咁快呀！你估神仙咩？不過家我已經可以減輕藥量，但係重要慢慢調理，唔可以做劇烈運動，練歌都未得住，只可以喺屋企郁吓手腳，不過我對醫好自己個病好有信心。」