2001-06-20 新報 中醫診治肝癌受控羅文逃出鬼門關

羅文自從被驗出患上肝癌後﹐全副精神皆同癌魔搏鬥﹐並找來年逾八旬的元朗「神醫」陳伯診治﹐經個多月的治療﹐羅文昨日終親口證實已逃出鬼門關﹐同時否認有意介紹陳伯給身患乳癌的凌波。

昨日﹐羅文精神奕奕接受商台「茶杯裏的查篤撐」電話訪問﹐甫開腔﹐羅文便說﹕「好開心﹐進展好好﹐中醫師陳伯話控制咗肝癌﹐確定已經逃出鬼門關﹐剩番落嚟係繼續打碎癌細胞﹐連西醫都話我有好轉﹐以前啲細病都冇埋﹐又有肌肉生出嚟啫。呢個病好寂寞﹐大家睇我周圍行街食飯﹐裏面點辛苦﹐我冇講出嚟啫﹗我每日同佢﹙肝癌﹚講﹐要打死佢﹐要佢遠離我。自己有鬥志﹐再靠藥物﹐兩面夾攻。」

羅文承認今次治病花費不菲﹐更請求傳媒不要再採訪陳伯﹐因陳伯不願拍照﹐他說﹕「我驚陳伯嬲起上嚟﹐唔醫我咪死。

又話我介紹陳伯畀凌波﹐都冇咁嘅事﹐就算係都要睇陳伯肯唔肯醫。」病情漸趨穩定的羅文﹐現已恢復教人唱歌。