羅文在家中閉門休養多日後，昨日精神奕奕地出外做腳部按摩。一直只肯承認患惡性肝腫瘤的他，首次承認患上癌 症，他說︰「我要做個好榜樣，話畀人知癌病係可以醫得好嘅！」此外，籮記更對近日有關他開個人演唱會、接受 無綫《全線大搜查》專訪，以及封小平介紹特異功能醫師等報道一一作出否認。
羅文自從開始接受中醫治療後，一直足不出戶，並乖乖地留在家中休養多日。直至昨日，籮記（羅之暱稱）精神奕 奕地步出寓所，由助手阿東及張徹太太陪同下出外做腳部按摩，他說︰「我呢幾日冇出街真係好唔慣，但係近排食 咗啲中藥，成日都會屙啲毒出嚟，屙到腳軟，所以今日出去做腳部按摩。」籮記為人樂觀，為怕朋友擔心，一直都 堅稱自己只是患上惡性肝腫瘤，直至昨日終於首次承認患上癌症，他說︰「我要做個好榜樣，話畀人知癌病係可以 醫得好嘅！」可見他對自己病情的進展確是信心爆棚。
否認有意開個唱
此外，近日有多篇報道指出籮記有意在紅館開個人演唱會、接受無綫《全線大搜查》專訪，以及亞視封小平介紹特 異功能醫師，籮記昨日主動向記者作出否認，他堅稱︰「我根本就冇要求過楊生（楊受成）幫我安排演唱會，我依 家只係想快啲醫好個病，就算係唱都要等好番先諗；而且亦唔知道接受咩《大搜查》訪問，我唔想畀人覺得我博宣 傳。我好多謝各界關心，有好多人不斷介紹醫生畀我，加加埋埋已經有幾十個醫生，總之我依家揀咗鄧光榮介紹嘅 中醫，覺得效果好好，我仲打算下星期教番啲學生唱歌，順便自己練下氣。」