2000-02-04 星島日報 羅文大掃除送舊迎新

羅文在今日年廿九生辰（因今年沒有年卅）﹐不過他已飛赴美國拉斯維加斯準備在大年初一登台﹐還有老拍檔甄妮一齊﹐雖然他不在港過生日﹐不過羅記亦不愁寂寞﹐因不少港藝人也在美國演唱﹐好似梅艷芳、鄭伊健等﹐仲會一齊過年。

羅記曾因伊健說於上堂有所怨言﹐羅記否認唔錫伊健﹐他說﹕「佢之前都有電話畀我﹐話好想上堂﹐不過要工作無時間﹐做藝人就係咁﹐佢仲話已揀緊生日禮物畀我。」

踏入千禧年﹐羅記也將九十年代的新年擺設掉光﹐一於大掃除去舊迎新﹐全部換上新的﹐往年他習慣在大廳放大棵桃花﹐今年因不在港﹐所以不會買了﹐不過他已準備好很多賀年食品﹐如瓜子、糖果、油角、煎堆﹐更會帶備一些賀年飾物揮春、鞭炮﹐到時會布置酒店﹐至於新衫、新褲一定會買﹐（係咪內外都是紅色﹖）唔要紅色﹐厲鬼咩﹗」