羅文前晚舉行的演唱會，籮記由頭靚到落腳，件件首飾都價值不菲，問到籮記首飾總值花費多少﹖籮記坦言﹕‘我都唔知呀﹗有啲係私伙，有啲係契媽嘅﹗英皇嗰啲我都未戴呀﹗因為唔夠衫襯。’
籮記表示價值多少真的冇法估計，因為他契媽的那串綠珠都已經好貴，而楊生（楊受成）的那個十三卡金鑽扣針都已經百幾萬，籮記話﹕‘我諗夾埋都過千萬嫁﹗’
問到籮記保安方面可有特別嚴謹﹖籮記話﹕‘一落台咪要除出嚟入盒囉﹗而且太多首飾都戴唔切﹗’咁籮記的服裝又花多少錢呢﹖籮記表示都要廿多萬，其中有兩件在英國買，而有金線那件就特別貴。
搵容祖兒合唱有原因
而前晚籮記請來徒弟容祖兒與他合唱一曲‘問誰領風騷’，籮記坦言﹕‘原來做星爸咁辛苦，我都緊張到唔識唱第一句。’而籮記對容祖兒這徒弟讚口不絕，問到籮記點解會搵容祖兒﹖他解釋﹕‘我有兩個徒弟都出左道囉﹗淨佢未出道，所以咪搵佢囉﹗’
講到寶詠琴形容自己為大妹頭，咁籮記有冇諗住出糧畀佢呀﹖籮記笑言﹕‘佢串野（指首飾）仲勁過我啦﹗出乜糧呀﹗’而稍後。籮記會跟隨俄羅斯佛羅內斯交響樂團到台灣表演兩場，今次籮記是以特別嘉賓身份演出。
問到籮記頭場反應已經咁好，有否考慮加場。籮記笑言﹕‘做三場都好辛苦啦﹗畀我抖下先啦﹗’
而大會總監丘亞葵表示今次籮記三場演唱會，每晚都會有二百張八百元票價用作慈善，捐給保護兒童基金會，預計籌得三十萬。而他亦坦言﹕‘今次演唱會可能會蝕少少，（咁有冇考慮加場呀﹗）冇得加場，因為交響樂團簽證嘅問題。’