1999-02-06 天天日報 學友隱約露點開騷

張學友名為「友個人演唱會」一連三十場在昨晚於新會展正式舉行，而在場六千多座位座冇虛席，以一向以歌行先的學友，今次亦好配合自己的風格，並沒有特別的花巧，一出場便拿著結他自彈自唱。

而今次學友雖然只開三面台，但仍然相當落力，不斷在台上四圍走，令到他與觀眾更接近，而學友可能怕觀眾悶，所以亦不停叫觀眾跟著他一起做動作，而台下反應亦不俗。

學友一出場便穿上一件橙色絨外套，內穿一件薄薄的絲質衫，所以當學友勁歌熱舞時，亦隱約露點，而學友在場亦表示﹕‘好多謝大家買飛睇，如果冇左你地，呢個演唱就會冇左冇右，有前冇後。’

而昨晚亦有不少圈中人捧學友場，包括沈殿霞､袁詠儀､羅文､張燊悅､趙學而､蘇永康等等，而記者尋遍整個場館亦不見羅美薇蹤影。

最後學友唱出《有個人》送給阿ＭＡＹ，並多謝父母及阿ＭＡＹ支持，說到此時學友眼有淚光，而熒光幕播放學友和阿ＭＡＹ由小到大的相片，並有漫畫串連講出兩人由相識､分手､復合到結婚。