《倩女幽魂》音樂劇鬧雙胞胎輪到姥姥一角又起風波，同時被李進、陳淑芬看中的羅文承認兩人都有向他招手，他要待其個人演唱會過後才仔細想清楚，始方決定，免得順得哥情失嫂意。
據可靠消息透露，籮記本身對由梁朝偉、李進籌備夥拍王菲的製作較感興趣，除人選配搭吸引，另一樣主要原因是籮記與張國榮積存心病已久，所以不欲跟張國榮同台合作。但既然陳淑芬公開屬意他演出張國榮掛帥的《倩女幽魂》，兼與陳太份屬多年老友的關係，籮記亦不好意思一開口便作推辭，唯有以演唱會來做藉口，暫採取拖字訣。
告別舞台成導火線
曾一度與哥哥老友鬼鬼的籮記為何突然有心病﹖據知乃始於去年籮記告別舞台所舉行大型派對，廣邀圈中好友，張國榮也被邀之列。不過，哥哥當日不但沒到場，連賀電都沒有一個，完全不聞不問。此事令籮記大為激氣，覺得張國榮不當他是朋友。相反，哥哥告別樂壇演唱會，籮記不但捧場，更親自送上大束鮮花致賀。自此，兩人的交往也隨之減少，保持著距離。
據稱籮記擔心與張國榮合作生摩擦，就連普通朋友也做不成，而且自感乃專業藝人，若因與張國榮心存芥蒂影響工作便不好﹔既然做音樂劇，歌酬一定不多，籮記寧願做得開開心心，相信答允陳淑芬的成數不大。
就此事求證籮記，籮記一想到話佢同哥哥唔妥就笑罵黐線，坦言與張國榮好耐冇見，主要係唔得閒，他亦很久沒在此圈工作。對傳言二人不和導火線是他邀請哥哥出席告別舞台派對，有人唔得閒，籮記即澄清當時張國榮不在香港，正在阿根廷拍春光乍洩。不過，籮記未有直接否認傳言，當問他有冇嬲哥哥，籮記答得頗圓滑，呢行邊有話邊個嬲邊個啫，各有各忙，我又做呢行，亦都有自己嘅朋友，大家咪少見面囉﹗問到可有打算搵哥哥了解此事真相﹖籮記笑說毋須太刻意，大家都是成年人。