羅文貴為樂壇大哥，曾經叱風雲，雖近年已在半退休狀態，可是去到哪裡也備受尊敬。但最近為無線去三藩市演出一個名為《群星愛心獻東華》的慈善騷，卻備受冷落，以至被大會視為二線歌手看待，令他超級「大扯火」？！
這個由無線協辦的慈善騷，演出歌手有黎明、鄭伊健、羅文、甄妮、梁漢文、葛民輝、陳慧珊及林保怡，司儀則由曾志偉及肥肥擔任，主辦單位在宣傳簡報排位上以黎明為先，繼而便是伊麵、甄妮，而貴為樂壇大哥及鄭伊健師傅的羅文，只是得一副細相排在第二行，與後輩梁漢文並排，而宣傳場刊上更差，只有黎明及鄭伊健有全頁大相，羅文連一副小照也沒有，只在尾頁有細細個排名交待他有份參與演出；如此被冷落，難怪羅記很感激氣。
昨日羅記與記者談起這件事時，仍怒氣未消，氣沖沖道：「我真係好嬲呀！你海報上面擺黎明係中間我覺得好應該，左右兩邊排甄妮同伊麵，將我排係下面同梁漢文並排，有冇搞錯呀？！有乜理由咁樣先？！無線當初求我去講明叫我做壓軸特別嘉賓嘛！我為慈善都唔怕被人話我「姣婆守唔到寡」，再上台唱啦，點知咁對我！我嬲到即刻搬出大會安排我住的那間酒店，只係去過一次招待會，其他記者會、市長頒紀念獎座、慶功宴我都冇去！我本著藝員道德先至同佢唱！早知係咁真係唔做呀！」
回港後，羅記謂看報紙才知有這麼多事情發生，無端端《倩女幽魂》又鬧雙胞，楊受成未問過他又私下為他搞演唱會，令他煩得頭都大埋！
羅記道：「冇錯李進係搵過我，不過口頭講的，我都未應承過，陳太那邊直情未有直接接觸過我添，好似透過楊受成搵我啦，總之兩邊我都未應承過。我前晚返港先知楊受成準備為我開三場演唱會，對方已聯絡好俄羅斯交響樂團，羅記謂：「有無搞錯，慈善就話會做，這情況復出是沒有可能，就算復出都起碼開十場，好好睇睇！最後楊生表示是做善事性質，羅記昨便去公司商討此事。