1998-11-18 星島日報 霆鋒小休復出反叛性格不改 拒做名牌衫奴隸

謝霆鋒在加國小休之後，返港繼續演藝工作，前晚亦首度再上舞台為‘新城’節目演唱，與歌迷見面，並有葉佩雯､何嘉莉任表演嘉賓，他表現亦在狀態，不過不脫反叛本色，在台上除衫演唱。

謝霆鋒在台上問觀眾﹕「我好想知道你秔係唔係如唱片公司所說，鍾意睇我著名牌衫演唱，我自己就對於著呢種皮衫又名牌好唔慣，如果我著底衫､爛牛仔褲，會唔會聽我唱歌？」台下歌迷自是答﹕「會﹗」他隨即在台上除去該件皮背心，只穿白底衫彈結他唱歌。

買貴衫肉痛

事後，記者問他何解要令唱片公司尷尬？他表示其實公司要求他穿名牌衫沒有錯，但他只想著得舒服，在他眼中認為貴衫未必代表靚，並想知歌迷是睇人或睇衫，有時一件貴衫只可在台上穿一次便被指重複冇新意而擱置一邊，平日又不能上街著，每次付出這筆費用都好肉痛，故既然前晚為其擔綱之演出，該可隨緣做回自己。

最近飛圖欲羅致孫耀威加盟，對方亦屬唱跳舞都得藝人，可會擔心對他造成威脅？

霆鋒稱不知對方加盟，但其實他一向不太喜歡跳舞，只是公開表演過一次就被推崇為舞星，況且各有各做，在飛圖之內，他只覺羅文對他有威脅，現時正要求可拜羅文為師，但對方尚未答應。