鄭秀文早前到訪美國侯斯頓，可謂驚喜交集。話說當Sammi到達機場，竟然讓她見到素未謀面的螺旋槳飛機，當下她的心跳頻率立即彈升。「我咁大個女，第一次坐螺旋槳機，本來已經有Ｄ驚驚地，最慘就係我坐的窗口位，正好對正個殘殘舊舊的螺旋槳，一路睇住佢係咁『發』下『發』下，唔嚇親都嘈餐懵！」途中就算Sammi瞇埋對眼，螺旋槳的影像仍在她腦海之中盤旋不已，於是心跳繼續加速，Sammi更不由自主地「標」冷汗……在個多小時的航程當中，Sammi如何排遣緊張心情？「機上又冇戲睇，我惟有不斷唱自己凉歌，當作為下一站演唱會的預先綵排，話時話，我凉歌幾有定驚作用劵！大家不妨試試！」
驚險過後，「喜事」即來。甫下機場的Sammi，立即飛車趕赴記者招待會，到場後才知座上客中，來了一位特別嘉賓——侯斯頓的國會議員Mr James Gerson，他撥冗前來的目的，是要代表政府頒贈一個「音樂成就獎」予Sammi，以表揚她的音樂成就，以及為侯斯頓觀眾帶來的精彩演出。過往曾得此獎的華人歌手，皆是天皇巨星，包括羅文及劉德華等。Sammi笑說，「其實我今次真係矇查查埾獎，事前真係完全唔知，所以有個意外驚喜，好開心。」據知，Houston有十三、四萬華人聚居，Sammi今次到來演出，對當地華人社會而言是一大盛事。